Ayon sa aking
therapy doctor,
pag nagmatigas ako
at di nag-ingat
sa mahina kong
kamay,
tutuluyin ito
sa surgery.
Talaga nga namang
ganun,
sa mga bagay
na hindi pinagtutuunan
ng pansin;
pag gawa lang ng gawa
sa kabila ng mga
paalala,
hindi mo namamalayan,
nasa hangganan ka na.
Hihintayin pa bang
sugatan ka muna?
mawalan ng kakayahang
maging kumpleto
sa paglasap
sa mga biyaya
ng buhay
bago mo
maisipang pakinggan
ang daing
ng katawan mo?
ng puso at ng
pagkatao mo?
——-Isa lang ang buhay
na meron ka, natin.
Waldasin mo ito
sa maayos
at mabuting mga alaala.
Maging malaya,
matapang, maligaya
at hinay-hinay lang.
RoMa Pi 